Poytaxtning ba`zi joylarida gaz o`chadi

Jamiyat 29.09.2022, 10:24
Poytaxtning ba`zi joylarida gaz o`chadi

Bugun Toshkent shahri Bektemir tumanidagi Billur ko`chasida joylashgan ayrim turar joy binolari va ulgurji tashkilotlarida gaz ta`minoti vaqtincha to`xtatiladi. Bu haqda "Hududgaz Poytaxt" xabar berdi.

Xabarga ko`ra, mazkur ko`chada joylashgan gaz quvurida ta`mirlash ishlari rejalashtirilgan. Shu sababli 2022 yil 29 sentyabr kuni soat 10:00 dan soat 17:00 ga qadar ushbu ko`chadagi 282 ta hovli-xonadonda hamda 16 ta ulgurji tashkilotda gaz ta`minoti vaqtinchalik to`xtatiladi. Shundan:

novvoyxona — 4 ta;

umumiy ovqatlanish shoxobchasi — 7 ta;

ishlab chiqarish korxonasi — 5 ta.

 

"Hududgaz Poytaxt" ta`mirlash ishlari tufayli etkazilayotgan noqulayliklar uchun tabiiy gaz iste`molchilaridan uzr so`raydi, deyiladi xabarda.

Sharhlar