O`zbekiston prezidenti Shavkat Mirziyoev rafiqasi Ziroat Mirziyoeva bilan birga 3 oktyabr kuni rasmiy tashrif bilan Budapeshtga keldi.
Ferens List nomidagi xalqaro aeroportda davlat rahbarining tashrifi munosabati bilan O`zbekiston va Vengriya bayroqlari ko`tarildi, faxriy qorovul saf tortdi.
Mamlakat etakchisini Vengriya iqtisodiy rivojlanish vaziri Marton Nad va boshqa rasmiy shaxslar kutib oldi.
Sammitning asosiy tadbirlari ertaga, 4 oktyabr kuniga mo`ljallangan. Vengriya prezidenti Katalina Novak bilan uchrashuv bo`lib o`tadi. So`ng prezident Shavkat Mirziyoev va bosh vazir Viktor Orban tor doirada va kengaytirilgan tarkibda uchrashuv o`tkazadilar. Yakunda ikki tomonlama hujjatlarning salmoqli to`plami imzolanishi kutilmoqda.
Prezidentimizning tashrifi doirasida Vengriyaning etakchi kompaniyalari va moliyaviy tuzilmalari rahbarlari bilan ham uchrashish ko`zda tutilgan.
