“Uzavtosanoat” va “UzAuto Motors” ASSA Approved Employer' maqomini oldi

Jamiyat 04.10.2022, 21:20
“Uzavtosanoat” va “UzAuto Motors” ASSA Approved Employer' maqomini oldi

2022 yil avgust oyida “Uzavtosanoat” AJ va  “UzAuto Motors” AJ ACCAning akkreditasiyadan o`tgan ish beruvchi maqomini oldi va hamkoriga aylandi. 

“UzAuto Motors”ning ma`lum qilishicha, ushbu maqom kompaniyaning MHXS (Moliya hisobotlari xalqaro standartlari)ga muvofiq moliya, tahlil va buxgalteriya hisobi sohasidagi mutaxassislarini rivojlantirishga qaratilgan sa`y-harakatlari va investisiyalarini namoyish etadi.

Ta`kidlab o`tilishicha, ayni paytda "Uzavtosanoat" tuzilmasi korxonalarida ACCA, CFA, CFI, CMA, CGMA va CPA kabi xalqaro dasturlar doirasida moliya mutaxassislari malakasini oshirish dasturi mavjud. Etakchi xalqaro dasturlar bo`yicha o`qitish va sertifikatlash imtihonlariga tayyorgarlik ko`rish hamda topshirish uchun xodimlarga 9 kungacha haq to`lanadigan ta`tillar taqdim etilgan holda kompaniyalar hisobidan amalga oshiriladi.

"Hozirda "Uzavtosanoat” AJ ning 40ga yaqin xodimlari ACCA malaka oshirish jarayonida imtihondan o`tishmoqda. Shuningdek, soha rahbariyatining qo`llab-quvvatlashi tufayli, MHXSga o`tish bo`yicha qo`shimcha chora-tadbirlar to`g`risidagi hukumat qarorlariga (2020 yil 24 fevraldagi PQ 4611-sonli) muvofiq “Uzavtosanoat” AJ va  “UzAuto Motors” kompaniyasi tegishli me`yoriy hujjatlarni tayyorlashga hamda moliyaviy mutaxassislar uchun tizimli treninglar o`tkazish uchun ruxsat olishga muvaffaq bo`ldi",— deyiladi xabarda.

Olingan bilim va malakalar moliyaviy mutaxassislarga kompaniyaning iqtisodiy barqarorligi uchun zarur bo`lgan MHXS bo`yicha buxgalteriya hisobi va hisoboti, moliyaviy tahlil va nazorat, shuningdek, korporativ boshqaruv sohasidagi xalqaro standartlarni malakali joriy etishga yordam berishi aytiladi.

Sharhlar