Ijtimoiy tarmoqlarda tarqalgan audioxabargan vahimali xabarlar tarqaldi.
Aytilishicha, Toshkentdagi 38-Orom maktabi yonida, Qorasaroy turar joy majmuasida, Qorasuvda va boshqa hududlarda bola o`g`irlashga urinishlar qayd etilgan.
Shuningdek, bir nechta bola dom-daraksiz yo`qolgani, bu holatlarga mutasaddilar tomonidan tegishli choralar ko`rilmayotgani haqida aytilgan.
Farg`onada ham bola o`g`irlash bilan shug`ullanuvchi jinoiy guruh mavjudligi aytiladi.
Ushbu audioxabarlarga IIV axborot xizmati rahbari Shoxruh G`iyosov munosabat bildirdi:
«Bu kabi xabarlar asossiz va haqiqatdan yiroq. Internet orqali yolg`on ma`lumot tarqalishiga sababchi bo`layotgan sub`ektlarning harakatlariga huquqiy baho beriladi», — deyiladi rasmiy munosabatda.
