O`zbekiston Respublikasi Prezidenti Putinni mukofotlash to`g`risidagi farmonni imzoladi. Bu haqda Prezident Matbuot kotibi Sherzod Asadov ma`lum qildi.
Mazkur farmon bilan mamlakatlarimiz xalqlari o`rtasidagi an`anaviy do`stlik va hamkorlik rishtalarini rivojlantirishga qo`shgan ulkan shaxsiy hissasi hamda tavalludining 70 yillik yubileyi munosabati bilan Rossiya Federasiyasi Prezidenti Vladimir Vladimirovich Putin O`zbekiston Respublikasining "Oliy Darajali Do`stlik" ordeni bilan mukofotlandi.
Eslatib o`tamiz, joriy yilning iyul oyida O`zbekiston Respublikasi Prezidenti Shavkat Mirziyoev Vladimir Putin tomonidan “Aleksandr Nevskiy ordeni” bilan taqdirlangan edi.
