Ichki turizm uchun keng imkoniyatlar, qizg`in madaniy hayot yoxud tez rivojlanayotgan iqtisodiyot... Toshkentda yashovchi rus blogeri vatandoshlariga yordam taklif qildi

Jamiyat 06.10.2022, 20:21
Ichki turizm uchun keng imkoniyatlar, qizg`in madaniy hayot yoxud tez rivojlanayotgan iqtisodiyot...  Toshkentda yashovchi rus blogeri vatandoshlariga yordam taklif qildi

Mariya ismli rus blogeri vaqtinchalik boshpana yoki yangi uyi sifatida O`zbekistonni tanlagan rossiyaliklarga o`z yordamini taklif qildi.

"Xo`sh, o`rtoqlar. Hozir O`zbekistonga nafaqat IT-mutaxassislari, tadbirkorlar va boshqa ziyolilar ko`chib o`tmoqda. Hozir, umuman olganda, nohaq urushga borishni istamagan har bir kishi ketmoqda. Vaziyatning yaxshilanishiga hali ishongan har bir kishi uning tinch, ozod yurtda uyg`onishiga umid bog`lagan. Odamlar qo`rqib , meni savollar bilan bombardimon qilishmoqda",— deydi u.

Mariya shu bois, ruslarga O`zbekistonda yashash uchun qator sabablarni keltirib o`tdi.

"O`zbekistonni vaqtinchalik boshpana yoki yangi uy deb biladigan har bir kishiga imkon qadar yordam berishga tayyorman. Nega O`zbekiston? Men aytaman:

- Tez rivojlanayotgan iqtisodiyot;

- issiq iqlim;

- vizalar yo`q va ruslar uchun eng sodiq qonuniylashtirish shartlari;

- rusiyzabon jamiyat;

- mehribon va mehmondo`st odamlar;

- ovqat, quyosh, Ipak yo`lining ajoyib tarixiy shaharlari;

- poytaxtda evropa ruhidagi qulay hayot;

- qizg`in madaniy hayot;

- ichki turizm uchun keng imkoniyatlar".

"Qaerga borishingizga allaqachon qaror qildingizmi?",— deydi u so`zi so`ngida imho bilan.

Sharhlar