Маълум муддат аввал Ўзбекистонга кўчиб келган Мария исмли рус блогери вақтинчалик бошпана ёки янги уйи сифатида Ўзбекистонни танлаган россияликларга ўз ёрдамини таклиф қилди.
"Хўш, ўртоқлар. Ҳозир Ўзбекистонга нафақат IT-мутахассислари, тадбиркорлар ва бошқа зиёлилар кўчиб ўтмоқда. Ҳозир, умуман олганда, ноҳақ урушга боришни истамаган ҳар бир киши кетмоқда. Вазиятнинг яхшиланишига ҳали ишонган ҳар бир киши унинг тинч, озод юртда уйғонишига умид боғлаган. Одамлар қўрқиб , мени саволлар билан бомбардимон қилишмоқда",— дейди у.
Мария шу боис, русларга Ўзбекистонда яшаш учун қатор сабабларни келтириб ўтди.
"Ўзбекистонни вақтинчалик бошпана ёки янги уй деб биладиган ҳар бир кишига имкон қадар ёрдам беришга тайёрман. Нега Ўзбекистон? Мен айтаман:
- Тез ривожланаётган иқтисодиёт;
- иссиқ иқлим;
- визалар йўқ ва руслар учун энг содиқ қонунийлаштириш шартлари;
- русийзабон жамият;
- меҳрибон ва меҳмондўст одамлар;
- овқат, қуёш, Ипак йўлининг ажойиб тарихий шаҳарлари;
- пойтахтда европа руҳидаги қулай ҳаёт;
- қизғин маданий ҳаёт;
- ички туризм учун кенг имкониятлар".
"Қаерга боришингизга аллақачон қарор қилдингизми?",— дейди у сўзи сўнгида имҳо билан.
Шунингдек, у бошқа постларида Ўзбекистон ҳақида илиқ фикрлар билдирган.
Энг оддий топишмоқ: фотосуратдан мен қайси мамлакатда эканлигимни тахмин қилинг. Мустақил, ёруғ, гўзал, бунёдкор Ўзбекистон ўз заминига қадам қўйсангиз сизни асло қўйиб юбормайди.
