Avval xabar berganimizdek, Samarqand shahrida Turkiy davlatlar tashkiloti sammiti doirasida tashkilotga a`zo davlatlar iqtisodiyot va savdo vazirlarining 11-yig`ilishi bo`lib o`tdi.
Ma`lum bo`lishicha, sammit doirasida “Savdoga ko`maklashish strategiyasi” Turkiy davlatlar tashkiloti birinchi imzolanadi.
Bu haqda iqtisodiyot va savdo vazirlari uchrashuvidan so`ng tashkil etilgan brifingda xabar berildi, deya yozmoqda Darakchi.uz' muxbiri.
Unda O`zbekiston Investisiyalar va tashqi savdo vaziri Jamshid Xodjaev hamda Turkiy davlatlar tashkiloti bosh kotibi Bag`dod Amreev nutq so`zladi.
“Savdoga ko`maklashish strategiyasi” Turkiy davlatlar tashkiloti birinchi sammiti doirasida imzolanishi, Tashkilot mamlakatlarida savdodagi miqdoriy cheklovlar hamda notarif choralarni bartaraf etilishiga ko`maklashadi", — deydi vazir.
Qayd etilganidek, savdo-iqtisodiy munosabatlarning barqarorligini ta`minlash barchamizni ustuvor vazifalarimizdan biri hisoblanadi.
"Bu borada transport yo`laklari, bojxona-chegara o`tkazish punktlari va logistika markazlarining uzluksiz faoliyatini ta`minlashda a`zo va kuzatuvchi davlatlarning birdamligi va mavjud sharoitlarni yanada rivojlantirish bo`yicha aniq chora tadbirlar ishlab chiqishilishi bo`yicha kelishuvlarga erishildi.
21 asr innovasiya va raqamli texnologiyalar asridir! Bugungi yig`ilishimiz davomida iqtisodiyot tarmoqlari, ijtimoiy soha va hududlarda raqamli iqtisodiyot va elektron hukumat holatini baholashni joriy etishimiz hamda aniq chora tadbirlarni amalga oshirish borasida hamfikr bo`ldik va bu borada sa`y-xarakatlarimizni o`yg`unlashtirish yuzasidan asosiy mezonlar va kadamlarni belgilab oldik", — deydi Jamshid Xodjaev.