Аввал хабар берганимиздек, Самарқанд шаҳрида Туркий давлатлар ташкилоти саммити доирасида ташкилотга аъзо давлатлар иқтисодиёт ва савдо вазирларининг 11-йиғилиши бўлиб ўтди.
Маълум бўлишича, саммит доирасида “Савдога кўмаклашиш стратегияси” имзоланади.
Бу ҳақда иқтисодиёт ва савдо вазирлари учрашувидан сўнг ташкил этилган брифингда хабар берилди, дея ёзмоқда Darakchi.uz' мухбири.
Унда Ўзбекистон Инвестициялар ва ташқи савдо вазири Жамшид Ходжаев ҳамда Туркий давлатлар ташкилоти бош котиби Бағдод Амреев нутқ сўзлади.
Қайд этилганидек, савдо-иқтисодий муносабатларнинг барқарорлигини таъминлаш барчамизни устувор вазифаларимиздан бири ҳисобланади.
"Бу борада транспорт йўлаклари, божхона-чегара ўтказиш пунктлари ва логистика марказларининг узлуксиз фаолиятини таъминлашда аъзо ва кузатувчи давлатларнинг бирдамлиги ва мавжуд шароитларни янада ривожлантириш бўйича аниқ чора тадбирлар ишлаб чиқишилиши бўйича келишувларга эришилди.
21 аср инновация ва рақамли технологиялар асридир! Бугунги йиғилишимиз давомида иқтисодиёт тармоқлари, ижтимоий соҳа ва ҳудудларда рақамли иқтисодиёт ва электрон ҳукумат ҳолатини баҳолашни жорий этишимиз ҳамда аниқ чора тадбирларни амалга ошириш борасида ҳамфикр бўлдик ва бу борада саъй-харакатларимизни ўйғунлаштириш юзасидан асосий мезонлар ва кадамларни белгилаб олдик", — дейди Жамшид Ходжаев.
