Rossiya etakchisi Putin chorshanba kuni Moskvadagi rasmiy qarorgohi zinasidan yiqilib tushgani xabar qilindi. Bu haqda Isroilning Arutz Sheva axborot xizmati Putinning xavfsizlik xizmati bilan bog`liq bo`lgan Kremlga qarshi Telegram kanaliga tayanib yozgan.
O`zini sobiq rossiyalik josus boshqarayotganini da`vo qiluvchi rus tilidagi “General SVR” telekanalining xabar berishicha, Putin “juda og`ir kundan” keyin kechqurun Rossiya iqtisodiyotining “og`ir ahvoli” haqida bilib, o`z qarorgohiga qaytgan va beshinchi zinapoyada qoqilib, yiqilgan.
"Yiqilish natijasida Putinda kuchli og`riq bo`ldi. Putinni qo`riqchilari uydagi navbatchi shifokorlar guruhini chaqirib, yaqin atrofdagi divanga olib ketishdi. Shifokorlar bir necha daqiqadan so`ng etib kelishdi, biroq “prezidentni darhol ko`rikdan o`tkaza olishmadi. To`liq tekshiruvdan so`ng yumshoq to`qimalarning ko`karishi tashxisi qo`yildi ", deb yozadi kanal.
Postda jarohat jiddiy emasligi va Putin tunda mustaqil harakatlana olishi, faqat o`tirganda dum suyagi og`rig`ini his qilishi qo`shimcha qilingan. Putinning yiqilishi sabablari bo`yicha tergov boshlandi. Telekanal Rossiya etakchisi sirpanmaydigan maxsus poyabzal kiyishini va uning rasmiy qarorgohidagi zinapoyalar “xavfsiz deb hisoblanishini” qayd etgan.
Bu voqea saraton kasalligidan davolanayotgani haqida mish-mishlar tarqalgan Putinning sog`lig`i bilan bog`liq navbatdagi shov-shuv bo`ldi.
