Ijtimoiy tarmoqlarda tarqalgan Ishtixon tumani Ravot qishlog`ida yashovchi fuqaro A.G`. bo`ynida zanjir bilan bog`langani holati yuzasidan tuman IIB tomonidan tergovga qadar tekshiruv harakatlari olib borilgan. Bu haqda Ichki ishlar boshqarmasi Axborot xizmati boshlig`i xabar berdi.
https://t.me/darakchiuzlive/3184
Holat 2022 yil 15 noyabr kuni sodir bo`lgan. Tekshiruv davomida aniqlanishicha, Ishtixon tumani Ravot MFY Ravot qishlog`ida yashovchi 2001 yilda tug`ilgan fuqaro A.G`. (tug`ma nogiron (kar-soqov)) 2004 yilda «Samarqand eshitishida nuqsoni bo`lgan bolalar uchun» №-61 sonli maxsus maktab internatida o`qib, 12-sinfni tugatgan, 2003 yildan buyon Ishtixon tumani Ravot MFY Ravot qishlog`ida yashovchi tog`asi J.A.ni qo`lida tarbiyalaganligi, tog`asi uni ushbu maxsus maktabda o`qitganligi aniqlandi.
Ushbu fuqarodan mutaxassis (surdopedagog) ishtirokida tushuntirish olinganda, u uyidagi ro`zg`or yumushlarini bajarmaslik uchun o`zini-o`zi metal zanjir bilan bog`lab, qulf osib, u bilan birga turuvchi akasi (tug`ma nogiron (kar-soqov)) A.M.dan ushbu holatni ijtimoiy tarmoqlarga tarqatishini so`rab, shu yo`l bilan uy ishlaridan qutilishni maqsad qilganini, ishidan pushaymonligini, hech kimga da`vosi yo`qligini bayon etgan.
Fuqaroning tog`asi J.A.dan tushuntirish olinganda, u jiyaniga nisbatan bu kabi harakatlarni sodir etmagani, holatni ijtimoiy tarmoqqa chiqqanidan so`ng bilganini bayon qilgan.
Fuqaro Ishtixon tumani Tibbiyot birlashmasida tibbiy ko`rikdan o`tkazilganda, uning tanasida hech qanday tan jarohatlari aniqlanmagan.
Taraflarning tushuntirishlari hamda vaziyat o`rganilib, holat yuzasidan jinoyat ishini qo`zg`atishni rad qilish haqida qaror qabul qilingan.
