12-13 dekabr kunlari Toshkent shahrida Mustaqil Davlatlar Hamdo`stligi XV Ijodiy va ilmiy ziyolilari forumi bo`lib o`tadi. O`zbekistonga ushbu tadbirda ishtirok etish uchun bir qancha yuqori martabali mehmonlar tashrif buyurdi.
Xususan, Sportni rivojlantirish vaziri o`rinbosari Abdulla Aslonov hamda Milliy Olimpiya qo`mitasi Bosh kotibi Oybek Kasimov Islom Karimov nomidagi Toshkent xalqaro aeroportida Rossiya Federasiyasi Davlat dumasi deputati, figurali uchish bo`yicha Olimpiya o`yinlarining 3 karra g`olibi, 10 karra jahon chempioni Irina Rodninani kutib olishdi.
Yaqin daqiqalarda forum tadbirlari boshlanadi. Unda mintaqada turli sohalardagi do`stona aloqalarni yanada mustahkamlash, o`zaro hamkorlik rivojini yangi bosqichga olib chiqish kabi yo`nalishlarda ma`ruzalar qilinib, mutasaddilar ishtirokida qator uchrashuvlar o`tkaziladi.
