O`zbekistonda jami pul massasi noyabr oyida 5,9 trillion so`mga ortib, 1 dekabr holatiga 177,2 trillion so`mga etgan. Bu haqda Markaziy bank matbuot xizmati xabar qildi.
Ma`lum qilinishicha, bunda milliy valyutadagi boshqa depozitlar qoldig`i 3,8 trillion so`mga va chet el valyutasidagi depozitlar qoldig`i 5,5 trillion so`mga ko`paygan bo`lsa, tor ma`nodagi pul massasi 3,4 trillion so`mga qisqargan.
Xususan, noyabr oyida naqd pullar 2,4 trillion so`mga kamayib, muomalaga chiqarilgan naqd pullar qoldig`i 1 dekabr holatiga 41,3 trillion so`mni tashkil etgan.
Yil boshiga nisbatan naqd pullar qoldig`i 12,7 trillion so`mga ko`paygan.