“Oltin humo” kimlarga nasib etdi? Tantanali taqdirlash marosimidan eksklyuziv reportaj(video)

Kecha, 28 dekabr kuni “Oltin Humo” taqdirlash marosimi bo`lib o`tdi.

“Oltin Humo” 2018 yil 26 dekabrda milliy kinotaqdimot sifatida ta`sis etilgan O`zbekiston Kinoarboblari ijodiy uyushmasining har yili taqdim etiladigan milliy mukofoti hisoblanadi.  Kinotaqdimot ilk bor 2019 yil 10 aprelda bo`lib o`tgan.  

Joriy yilda O`zbekiston Kinoarboblari ijodiy uyushmasi va Kinematografiya agentligi tomonidan o`tkazilayotgan “Oltin Humo” milliy kinotaqdimoti saralash komissiyasiga 2021 yil 1 yanvardan 2022 yil 1 oktyabrga qadar premerasi bo`lib o`tgan jami 85 ta film, xususan, 25 ta badiiy, 55 ta hujjatli va 5 ta animasion filmlar havola etildi.

Unda, 2021 yilning 1 yanvaridan 2022 yilning 1 oktyabriga qadar premerasi bo`lib o`tgan filmlar quyidagi nominasiyalar bo`yicha taqdirlanadilar:

• Eng yaxshi hujjatli film – “Matonat”
• Eng yaxshi animasion film — “Buyuk ipak yo`li bo`ylab sayohat”
• Eng yaxshi kompyuter grafikasi – “Abdulla Qodiriy” filmi uchun Davlat Arabshoev.
• Eng yaxshi ovoz rejissyori – “Muhabbat bahori” filmi uchun Abduqahhor Karimov.
• Eng yaxshi grim rassomi — “Muqimiy” filmi uchun Galina Ivanova.
• Eng yaxshi montaj ishi – “101 reys” filmi uchun Xurshid Alixo`jaev.
• Eng yaxshi grim rassomi — “Muqimiy” filmi uchun Galina Ivanova.
• Eng yaxshi libos bo`yicha rassom ishi – “Muqimiy” filmi uchun Anastasiya Sushuk
• Eng yaxshi kino bastakori — “Tutqunlik” filmi uchun Dmitriy Yanovyanovskiy.
• Eng yaxshi ssenariy — “Hayrat” filmi uchun Zulfiqor Musoqov.
• Eng yaxshi operatorlik ishi — “Hayrat” filmi uchun Azizbek Arziqulov.
• Eng yaxshi rejissyorlik ishi — “Hayrat” filmi uchun Zulfiqor Musoqov.
• Eng yaxshi ayol roli — “Ayol qismati” filmi uchun Ra`no Shodieva.
• Eng yaxshi erkak roli — “101 reys” filmi uchun Hoshim Arslonov.
• Tomoshabin mehrini qozongan film — “Baron 2. Sog`inch.”
• “Oltin Humo” milliy kino taqdimoti quyidagi nominasiyalar bo`yicha o`z egalariga topshirildi:

Kinotaqdimot saralash komissiyasi tomonidan 16 ta nominasiya g`olibligiga 5 tadan nomzodlar saralab olindi. “Tomoshabin mehrini qozongan film” nominasiyasi g`oliblari maxsus platformada va ijtimoiy tarmoqlarda ovoz berish yo`li bilan aniqlandi. G`oliblar “Oltin Humo” maxsus statuetkasi va 25 million so`m miqdordagi pul mukofoti bilan taqdirlanadi.