Tailandda o`tayotgan boks bo`yicha U-22 Osiyo chempionatida qizlar o`rtasidagi bellashuvlar nihoyasiga etdi. Milliy olimpiya qo`mitasining bergan xabariga ko`ra, unda ishtirok etgan O`zbekiston terma jamoasi 5 ta oltin, 3 ta kumush va 2 ta bronza medali bilan umumjamoa hisobida birinchi o`rinni qo`lga kiritib, chempionlikni munosib himoya qildi. Bugun o`tkazilgan final janglarida 5 nafar hamyurtimiz oltin medalga sazovor bo`ldi.
Oltin medal:
-48 kg: Farzona Fozilova
-50 kg: Sabina Boboqulova
-52 kg: Feruza Kazakova
-54 kg: Nigina O`ktamova
-66 kg: Navbahor Hamidova
Kumush medal:
-57 kg: Sitora Turdibekova
-70 kg: Aziza Zokirova
-75 kg: Sohiba Ro`zmetova
Bronza medal:
-63 kg: Ziyoda Yarasheva
-81 kg: Sahobat Husanova
Eslatib o`tamiz, ertaga yigitlar o`rtasidagi final janglari o`tkaziladi. Unda 10 nafar hamyurtimiz chempionlik uchun bahs olib borishadi.
