Toshkent shahrida 4 fevral kuni bir guruh yoshlar mashinada svetoforning qizil chirog`ida harakatlandi, shuningdek, bloger qiz behayo raqsga tushib, IIO formasini kiyib videotasvirga tushdi.
Poytaxt Yo`l harakati xavfsizligi boshqarmasi xabriga ko`ra, ushbu holat 2003 yilda tug`ilgan Sh.T., 2002 yilda tug`ilgan X.I., 2000 yilda tug`ilgan Sh.J., 2004 yilda tug`ilgan A.X., 2006 yilda tug`ilgan K.M. tomonidan sodir etilgani aniqlangan. 2002 yilda tug`ilgan X.I. boshqaruvida bo`lgan Lacettini boshqarib ketayotib, Yunusobod tumani Ahmad Donish ko`chasidagi svetoforning taqiqlovchi qizil ishorasiga bo`ysunmasdan harakatlangan.
Holat yuzasidan Ma`muriy javobgarlik to`g`risidagi kodeksning 128-modda (transport vositalari haydovchilarining svetoforning taqiqlovchi signaliga yoki yo`l harakatini tartibga soluvchining taqiqlovchi ishorasiga bo`ysunmasdan to`xtash chizig`ini bosib kirishi va o`tishi) 2-qismida nazarda tutilgan qoida buzarlikni sodir qilganligi yuzasidan planshet qurilmasida elektron ma`muriy bayonnoma rasmiylashtirilgan.
Holat bo`yicha fuqarolarning xatti-harakatlariga huquqiy baho berib, qonuniy chora ko`rish uchun Mirobod tumani IIO FMB tomonidan surishtiruv ishlari olib borilmoqda.
