Dushanba kuni ertalab KXDR Yapon dengizi tomon ikkita ballistik raketani uchirdi, deb xabar bermoqda Yaponiya qirg`oq qo`riqlash xizmati. Uchirishni Janubiy Koreya harbiylari ham tasdiqlagan.
Ikkala raketa ham Yaponiyaning eksklyuziv iqtisodiy zonasi tashqarisiga kelib qo`ndi, deb xabar bermoqda Yaponiyaning NHK telekanali.
NHKning aniqlik kiritishicha, Yaponiya hukumati Bosh vazir devonining Inqirozlarni boshqarish markazida tegishli vazirlik va idoralar vakillaridan iborat guruhning favqulodda yig`ilishini chaqirgan. Ular ma`lumot to`playdi va zarar haqida ma`lumotlarni tekshiradi.
Ayni paytda kemalar yoki samolyotlarga zarar etkazilgani haqida xabarlar yo`q.
Bundan tashqari, Yaponiya Bosh vaziri Fumio Kisida boshqarmalarga kiruvchi ma`lumotlarni to`plash va tahlil qilish, operativ ma`lumotlarni aholiga etkazish, shuningdek, havo kemalari va kemalar xavfsizligini ta`minlash, kutilmagan holatlarga tayyorgarlik ko`rish uchun barcha choralarni ko`rish bo`yicha topshiriq berdi.
Taxminlarga ko`ra, KXDR shu tariqa Janubiy Koreya va AQShning o`tgan hafta boshlangan Ssangyong harbiy mashg`ulotlariga qarshi o`z noroziligini bildirmoqda.
Mashqlar kelasi dushanba kuni yakunlanishi rejalashtirilgan.