Qobulda Afg`oniston Tashqi ishlar vazirligi binosi yonida portlash sodir bo`ldi, deb xabar berdi "1TV News" telekanali guvohlarga tayanib.
Mahalliy ma`muriyat vakillari portlash va qurbonlar haqida ma`lumot bermagan.
Rossiya diplomatik vakolatxonasi ma`lumotlariga ko`ra, Rossiya Federasiyasi fuqarolari orasida qurbonlar haqida ma`lumot yo`q, deb yozadi “RIA Novosti”.
"Sirenali tez yordam mashinalari u erga bordi. Yaralanganlar orasida Rossiya fuqarolari haqida ma`lumot yo`q", - degan rossiyalik diplomat.
Eslatib o`tamiz, yaqinda Afg`onistonning Mozori Sharif shahri ma`muriyati binosida portlash sodir bo`lib, uning oqibatida viloyat gubernatori Muhammad Dovud Muzzammil halok bo`lgan edi.
Muzzammil Qobuldan kelgan Tolibon delegasiyasi bilan muzokara olib borayotgan bir paytda portlovchi jilet kiygan xudkush-terrorchi viloyat ma`muriyati binosiga kirib, o`zini portlatib yuborgan.
Turli manbalarga ko`ra, qurbonlar 2 dan 15 kishigacha bo`lgan. Hujum uchun mas`uliyatni "Islomiy davlat" guruhi o`z zimmasiga olgan.
