Kecha, MTRK tarkibidagi “Madaniyat va ma`rifat” telekanali yopilib, o`rniga Madaniyat va turizm vazirligi tasarrufidagi "Karvon" nomli telekanal tashkil qilish rejalashtirilmoqdaligi haqida xabar bergan edik. Ushbu xabar turli tarmoqlarda turli bahs-munozaralarga sabab bo`ldi. Bir guruh ziyolilar telekanal yopilishini tanqid qilib chiqdi.
Madaniyat va turizm vaziri, Ozodbek Nazarbekov "Madaniyat va ma`rifat" telekanalining tugatilishi bo`yicha munosabat bildirdi:
"Bu muhokama shunchaki oddiygina muhokamami yoki haqiqatda telekanalning taqdiri o`ylantirayotgan insonlarmi? Agar telekanalning taqdiri o`ylantirayotgan bo`lsa, biz bilan hamkorlikka kirishing. Biz har qanday taklif, fikr, mulohazalarni qabul qilishga, eshitishga tayyormiz. Maqsadimiz mana shu xalqimizga ma`rifat ulashib turgan telekanalni yanada boyitib, yanada sifatliroq xizmat ko`rsatishi tarafdorimiz", dedi madaniyat va turizm vaziri.