O`zbekistonda stomatologik tibbiy xizmatlarning 90 foizi xususiy klinikalar tomonidan bajarilayotgani aytildi

Yaqin yillargacha xususiy klinikalarda murakkab jarrohlik amaliyotlarini o`tkazish ishonib bo`lmas voqea edi. Bugun esa ko`plab noyob texnologiyali muolaja usullari ushbu tibbiyot muassasalarida muvaffaqiyatli bajarilyapti. Bu haqda Sog`liqni saqlash vazirligi xabar berdi.

Xususan:

• kattalar va bolalar urologiyasi;
• intervension kardiologiya;
• endoprotez amaliyotlari;
• endoskopik ginekologiya;
• oftalmologiya;
• tibbiy radiologiya va raqamli rentgen;
• klinik-biokimyo laborator tekshiruvlari kabi yo`nalishlarda o`tkazilayotgan amaliyotlarning 50 foizdan ortig`i aynan xususiy tibbiyot hissasiga to`g`ri kelmoqda.

Shuningdek, qator tibbiy ixtisosliklar bo`yicha yuqori texnologiyali muolaja usullari va umuman xususiy tibbiyotning ushbu xizmatlardagi ulushi allaqachon davlat tibbiyot muassasalarinikidan ortib ketgan.

Bular:

•  oftalmologiya va operativ oftalmologiya — 60 foiz;
• LOR va endoskopik LOR — 70 foiz;
•  stomatologiya — 90 foiz.

Buning natijasida bugun xususiy tibbiyot sektorining umumiy sog`liqni saqlashdagi ulushi 30 foizni tashkil qilmoqda.

Sog`liqni saqlash vazirligi

Matbuot xizmati.

@ssvuz | @ssvmatbuotkotibi | Facebook | Instagram