Toshkent viloyatida jamoat transporti tizimini kompleks rivojlantirish orqali aholining transportdan foydalanish darajasini 2026 yilga qadar 55 foizga etkazish, ya`ni, 2023-2026 yillarda jami 1340 ta avtobus olib kelinib foydalanishga topshiriladi. Bu haqda viloyat hokimligi va soha mutaxassislari ishtirokida o`tkazilgan matbuot anjumanida aytildi deb xvbvr bermoqda Darakchi.uz muxbiri.
Ma`lum qilinishicha, bugungi kunda Toshkent viloyatida bir kunda o`rtacha 140 ming nafar fuqarolar jamoat transportidan foydalanib kelishmoqda. Bu bir oyda o`rtacha 4 mln 200 ming nafar yo`lovchi demakdir. 13 ming 375 ta transport(avtobus, mikroavtobus,”Damas”, engil avtomashina)lar 483 ta yo`nalishda viloyat aholisiga xizmat ko`rsatmoqda.
Olib kelinishi rejalashtirilgan aftobuslar dastlab, Nurafshon, Chirchiq va Olmaliq, Angren shaharlarida transport tizimidagi yo`nalishlarni maqbullashtirish choralari ko`riladi. Shuningdek, transportlar qatnovidagi oraliq jadvallarini qayta ko`rib chiqish, viloyat hududida ekspress yo`nalishlarini ochish, Toshkent viloyati shahar va tuman markazlaridan Toshkent shahriga yo`nalishlar ochish, birinchi navbatda, davlat xususiy sherikchilik asosida “Avtoshohbekat”lar faoliyatini takomillashtirish. Subsidiya ajratish tizimini qayta ko`rib chiqish.
Viloyat IIB YHXB bilan birgalikda Angren, Chirchiq, Olmaliq, Nurafshon shaharlari markazlarida avtobus yo`laklarini joriy etish, uch tasmali yo`laklarni joriy etish ishlari amalga oshirilmoqda. Va albatta, kelajakda viloyatga yangi avtobuslar keltirilgandan so`ng avtomatlashtirilgan tizimni joriy etishga kirishiladi
2-bosqichda jamoat transportining yangi yo`nalishlar tarmog`ini shakllantirish. Nurafshon, Chirchiq, Olmaliq, Ohangaron, Angren, Bekobod va Yangiyo`l shaharlari bo`yicha shahar avtobus yangi yo`nalishlari tarmog`ini ishlab chiqish, viloyatdan Toshkent shahriga kundalik kirib keladigan aholi oqimini o`rgangan holda viloyatning shahar va tumanlarini Toshkent shahri bilan bog`lovchi ekspress avtobus yo`nalishlari tarmog`ini ishlab chiqiladi. Viloyatning turistik salohiyatini inobatga olgan holda Toshkent shahridan to`g`ridan-to`g`ri turistik ob`ektlarga qatnovchi turistik avtobus yo`nalishlarining yangilangan tarmog`ini ishlab chiqish. Vaqtga bog`langan soatlik, kunlik, uch, olti oylik va yillik limitsiz tariflar rejasini ishlab chiqilib, yo`lkira haqini elektron to`lov tizimlari orqali to`lashda naqd pulga nisbatan kamida 30 foizlik farqni belgilanadi.
129 ta bekatlarni taksi to`xtash joylari, yo`lovchilarga to`siqsiz harakatlanish imkoniyatlarini hisobga olgan holda rekonstruksiya qilish ishlari, “Nurafshon-Qo`yliq 7- metro bekat” (ekspress) avtobus yo`nalishi bo`yicha yo`nalish pasportlarini ishlab chiqiladi.
Yangi tashkil etilgan yo`nalishlarni tadbirkorlarga tender tanlovlari asosida berish ishlari amalga oshiriladi. Toshkent viloyati transport boshqarmasida avtomatlashtirishgan dispetcherlik xizmatini o`z ichiga oluvchi “Tashuvlarni monitoring va nazorat qilish” davlat muassasasini tashkil qilish va o`rnatilgan tartibda ro`yxatdan o`tkazish, viloyat Transport boshqarmasi avtomatlashtirilgan dispetcherlik xizmati uchun dasturiy ta`minotni yaratish. Bekobod va Chirchiq shaharlarida 2 ta avtostansiyani rekonstruksiya qilinadi.
Ohangoron shahrida yangi avtostansiya tashkil etish, Olmaliq shahrida 1 ta avtostansiyani rekonstruksiya qilish ishlari amalga oshiriladi. Toshkent viloyatida turizm soxasini rivojlantirish maqsadida tumanlar aro ekspress yo`nalish tarmog`larini rivojlantirish- Toshkent shahrining Mashinasozlar bekatidan Amirsoy (82 km), Bildirsoy (84 km) va Chimyon (87 km) dam olish maskanlariga sayyohlik yo`nalishida mikroavtobus qatnovi, O`zbekiston mehmonxonasi bekatidan Amirsoy (87 km), Bildirsoy (89 km) va Chimyon (92 km) dam olish maskanlariga sayyohlik yo`nalishida mikroavtobus qatnovini yo`lga qo`yiladi. Xo`jakent temir yo`l bekatidan Amirsoy-Bildirsoy-Chimyon-Yusufxona-Xo`jakent yo`nalishi bo`yicha mikroavtobus qatnovini yo`lga qo`yiladi.