“Real Madrid” klubi 2017 yilda o`ziga tegishli “Santyago Bernabeu” stadionining rekonstruksiyasini boshlaydi. Bu haqda Fox Sports xabar bermoqda.
Ma`lum qilinishicha, qayta qurilish ikki yarim yil davom etadi va 2020 yilgacha tugatiladi. “Real” o`z rejalarini amalga oshirish uchun mahalliy hukumatdan ruxsat olgan. Lekin stadion oldida mehmonxona qurishga ruxsat berilmadi.
Rekonstruksiya jarayonida arenaning o`lchami va balandligi o`zgaradi. Shuningdek, qayta qurilish vaqtida “Real” muzeyi, stadion tomi va VIP xonalari o`zgaradi. Stadionning sig`imi esa deyarli o`zgarmaydi.
Madrid klubi rekonstruksiya uchun 400 million evro sarflashi kutilmoqda.