AQSh kompaniyasi fantastik filmlardan ilhomlanib, haqiqiy uchar mashinani yaratdi. Alef Aeronautics uchar mashinasi Federal aviasiya ma`muriyatidan (FAA) maxsus parvozga yaroqlilik sertifikatini oldi, ya`ni kompaniyaga avtomobilni yo`lda va havoda sinovdan o`tkazishga ruxsat berilgan.
To`liq elektr avtomobil 320 km masofani zaryadsiz bosib o`ta oladi. U oddiy garajga sig`adi, vertikal ravishda ham 180 kmgacha ucha oladi. Shuningdek, vodorod bilan ishlaydigan versiyasi ham bo`ladi. Alef Aeronautics avtomobilning panoramali ko`rinishni ta`minlagan holda tirbandliklardan qochish, istalgan yo`nalishda uchish qobiliyatini reklama qiladi.
Uning narxi 300 ming dollar atrofida bo`lishi kutilmoqda. Kompaniya avtomobilni o`tgan yilning oktyabr oyida taqdim etgan edi. Ma`lum qilinishicha, allaqachon ushbu mashina uchun oldindan ko`p sonli buyurtmalar olingan.
