Butunjahon turizm tashkiloti (UNWTO) Bosh kotibi Zurab Pololikashvili O`zbekistonga tashrif buyurdi. Yuqori martabali mehmonni Islom Karimov nomidagi Toshkent xalqaro aeroportida UNWTO ishchi komissiyasi raisi o`rinbosari, Ekologiya vaziri Aziz Abduhakimov kutib oldi.
Tashrif davomida joriy yilning 16-20-oktyabr kunlari Samarqandda bo`lib o`tadigan UNWTO Bosh assambleyasining yubiley 25-sessiyasiga tayyorgarlik jarayonlari bilan tanishish maqsad qilingan.
Ta`kidlash joizki, ushbu keng ko`lamli tadbir doirasida UNWTO Bosh kotibi Zurab Pololikashvilining tashabbusi bilan Samarqand shahriga “Jahon madaniy turizm poytaxti” maqomini berish to`g`risida UNWTO Bosh Assambleyasining Maxsus rezolyusiyasi qabul qilinishi rejalashtirilgan.
UNWTO delegasiyasining Toshkent va Samarqandga tashrifi 16 iyulgacha davom etadi.
