Avvalroq, Samarqandda yosh bolani itlar talagni va hodisa ustidan chiqqan taksi haydovchisi bolani qutqarib qolgani haqida xabar berilgan edi.
Viloyat IIB holat bo`yicha ma`lumot taqdim etib, itning egasi aniqlangan taqdirda jazolanishini bildirdi.
Voqedan so`ng ijtimoiy tarmoqlarda itlar haqida turli xabarlar tarqaldi. Unga ko`ra, ular daydi itlar emas, urishtirish uchun maxsus tayyorlangan itlar ekani aytilmoqda. Xususan, ekologuz kanalida bu bo`yicha ayrim ma`lumotlar keltirildi.
"Bizga ma`lum bo`lishicha, mazkur it daydi emas, uy itidir. Uning egasi it urishtirish bilan shug`ullanadi. Egasini deb it shunaqa vaxshiy bo`lib ketgan. Uyida 7-8 talab itlani jangga tayyorlab yuradigan odam ekan. Itlarning egasiga Jinoyat kodeksining 278-moddasi 1-qismi (Qimor va tavakkalchilikka asoslangan boshqa o`yinlarni tashkil etish hamda o`tkazish) bilan jinoiy jaobgarlikka tortish kerak", - deb yoziladi kanalda.
Holat bo`yicha Samarqanda viloyati IIB matbuot xizmati qo`shimcha ma`lumot taqdim etdi. Ma`lum qilinishicha, bolaga tashlangan itlarning egasiga nisbatan O`zbekiston Respublikasi Ma`muriy javobgarlik to`g`risidagi kodeksning 110-moddasi (It va mushuk boqish qoidalarini buzish) bilan ma`muriy bayonnoma rasmiylashtirildi.
Eslatib o`tamiz, Samarqandda bolani itlardan qutqargan 23 yigit taqdirlandi.
