Аввалроқ, Самарқандда ёш болани итлар талагни ва ҳодиса устидан чиққан такси ҳайдовчиси болани қутқариб қолгани ҳақида хабар берилган эди.
Вилоят ИИБ ҳолат бўйича маълумот тақдим этиб, итнинг эгаси аниқланган тақдирда жазоланишини билдирди.
Воқедан сўнг ижтимоий тармоқларда итлар ҳақида турли хабарлар тарқалди. Унга кўра, улар дайди итлар эмас, уриштириш учун махсус тайёрланган итлар экани айтилмоқда. Хусусан, ekologuz каналида бу бўйича айрим маълумотлар келтирилди.
"Бизга маълум бўлишича, мазкур ит дайди эмас, уй итидир. Унинг эгаси ит уриштириш билан шуғулланади. Эгасини деб ит шунақа вахший бўлиб кетган. Уйида 7-8 талаб итлани жангга тайёрлаб юрадиган одам экан. Итларнинг эгасига Жиноят кодексининг 278-моддаси 1-қисми (Қимор ва таваккалчиликка асосланган бошқа ўйинларни ташкил этиш ҳамда ўтказиш) билан жиноий жаобгарликка тортиш керак", - деб ёзилади каналда.
Ҳолат бўйича Самарқанда вилояти ИИБ матбуот хизмати қўшимча маълумот тақдим этди. Маълум қилинишича, болага ташланган итларнинг эгасига нисбатан Ўзбекистон Республикаси Маъмурий жавобгарлик тўғрисидаги кодекснинг 110-моддаси (Ит ва мушук боқиш қоидаларини бузиш) билан маъмурий баённома расмийлаштирилди.
Эслатиб ўтамиз, Самарқандда болани итлардан қутқарган 23 йигит тақдирланди.
