“Inter Mayami” argentinalik futbolchi Lionel Messining transferini rasman e`lon qildi. Unga atab qo`yilgan videodan ma`lum bo`ladiki, Messi yangi jamoasida 10-raqamda harakat qiladi.
“Ha, do`stlar. Mayamida ko`rishamiz”, — deydi Leo videoda.
35 yoshli argentinalik so`nggi ikki mavsumini “PSJ” safida o`tkazdi. O`tgan mavsum barcha musobaqalarda 41 ta o`yin o`tkazib, 21 ta gol va 20 ta golli uzatmaga mualliflik qilgan.
