Kecha, 30 iyul kuni Pokistonda “Islom ulamolari kengashi” partiyasining qurultoyida portlash sodir bo`lgani haqida xabar bergan edik.
Tasdiqlangan xabarlarga ko`ra, portlash oqibatida 40 dan ortiq odam halok bo`lgan. Ushbu holat yuzasidan O`zbekiston Tashqi ishlar vaziri Baxtiyor Saidov hamdardlik bildirdi.
“Pokistonning Bajaur hududidagi siyosiy qurultoyda sodir bo`lgan terrorchilik hujumi oqibatida ko`plab insonlar halok bo`lganidan chuqur qayg`udamiz. Qurbonlarning oila a`zolari va yaqinlariga o`z hamdardligimizni bildiramiz. Bu og`ir damlarda birodar Pokiston bilan birgamiz”, deydi vazir.