O`zbek milliy raqs san`atining yuksak namunasi bo`lmish “Lazgi — Muhabbat va qalb raqsi” balet spektakli dunyo sahnalarini zabt etishda davom etmoqda. Bu haqda O`zbekiston prezidenti yordamchisi Saida Mirziyoeva o`zining Telegram dagi kanaliga yozib qoldirdi.
Qayd etilishicha, 10 sentyabr kuni Rossiya Katta teatrida balet premerasi bo`lib o`tgan.
“Mamlakatlarimizning yangi tarixida bu haqiqatan ham muhim voqea. UNESCO ning insoniyat nomoddiy madaniy merosi ro`yxatiga kiritilgan qadimiy Xorazm raqsi — lazgiga bag`ishlangan spektakl tomoshabinlarni raqsga va hayotning o`ziga bo`lgan muhabbat tarixi bilan yaqindan tanishtiradi”, — deb yozadi Saida Mirziyoeva.
