Avvalroq, Namangan viloyati Chust tumanidagi bog`chalarning birida bolalar zaharlangani haqida xabar bergan edik. 70 nafar bolaning sog`ligidan shikoyatlar qayd etilgan va ular shifoxonaga yotqizilgan edi.
Bosh prokuraturaning xabar berishicha, Namangan viloyatida bolalar zaharlanganligi holati yuzasidan Jinoyat kodeksining 257-1-moddasi (Sanitariyaga oid qonunchilikni yoki epidemiyaga qarshi kurash qoidalarini buzish) bilan jinoyat ishi qo`zg`atildi.
Tergov olib borilmoqda.
Eslatib o`tamiz, kuni kecha prezident topshirig`i bilan Saida Mirziyoeva chustlik bolalarning holidan xabar olish uchun Namanganga borgan edi.