Ijtimoiy tarmoqda "Jizzaxda yuk mashinasi YPX postida tiqilib qoldi" sarlavhasi ostida video tarqaldi.
Holat yuzasidan tarqalgan video yuzasidan ma`lumot Yo`l harakati xavfsizligi xizmati rasmiy ma`lumot berdi.
Qayd etilishicha, viloyatning Zomin tumanidan o`tuvchi xalqaro ahamiyatdagi A-376 avtomobil yo`lida joylashgan "Yakkabog`-15" muntazam YPX maskanidan katta hajmdagi yuk ortilgan transport vositasi harakatlanib o`tayotgan vaqtda mazkur jarayon atrofdagi fuqarolar tomonidan tasvirga olingan.
Ushbu video tarmoqlarda go`yoki yukning tepa qismi YPX maskanidagi ustunga tegib qolganligi haqidagi izohlar bilan tarqatilgan.
Mazkur xabarlar asossiz bo`lib, katta hajmdagi yuk ortilgan transport vositasi ushbu YPX maskanidan harakat xavfsizligi ta`minlangan holda, mas`ul xodimlarning nazorati ostida ehtiyotkorlik bilan olib o`tilgan.
O`tish jarayonida atrofdagi biron jihoz yoki ortilgan yukka ziyon etmagan.
Ijtimoiy tarmoqdagi ayrim sahifa egalaridan har qanday holat va jarayon to`g`risida asosli va to`liq ma`lumotga ega bo`lmay turib, turli izohlar bilan tarqatmasliklarini so`ragan.
