Rossiyaliklar Ukrainadagi urushni o`z hayotlariga salbiy ta`sirini ko`proq seza boshladilar

Dunyo 27.09.2023, 22:15
Rossiyaliklar Ukrainadagi urushni o`z hayotlariga salbiy ta`sirini ko`proq seza boshladilar

Rossiyaliklar Ukrainadagi harbiy mojarolarning hayotiga salbiy ta`sirini ko`proq seza boshladilar. “Open Minds Institute” tomonidan o`tkazilgan yangi so`rov natijalari shuni ko`rsatmoqda, deya xabar bermoqda Zamon.uz.

Unga ko`ra, ruslar o`zlarini tobora noqulay his qilmoqdalar va kelajakni qorong`i deb bilishmoqda. Ma`lum bo`lishicha, rossiyaliklarning taxminan 80 foizi moliyaviy farovonligidan xavotirda. Bu ko`rsatkich 2023 yilning may oyiga nisbatan sezilarli darajada oshdi. Bu o`sish  Rossiya aholisi o`rtasida norozilik kuchayishiga olib kelishi mumkin.

Respondentlarning faqat yarmi fuqarolar Rossiyada yaxshi yashash uchun barcha imkoniyatlarga ega ekanligini bildirgan. Tadqiqot ruslarni status-kvoga bo`lgan munosabatiga qarab to`rt guruhga ajratdi: qirg`iylar, sodiqlar, mo``tadillar va liberallar.

«Liberallar»ning 53 foizi chet elga ko`chib o`tishni xohlaydi. Ushbu guruhning to`rtdan uch qismidan salgina ko`prog`i mamlakatni tark etishda yuzaga kelishi mumkin bo`lgan cheklovlardan xavotirda.

OAV xabarlariga ko`ra, 2022 yilning fevralida Ukrainadagi harbiy operasiya ortidan mamlakatni tark etgan rossiyaliklar soni yuz minglab bo`lishi mumkin, ammo aniq raqamlarni olish qiyin. 1000 dan ortiq Rossiya aholisini o`rgangan OMI tadqiqoti G`arb kuzatuvchilari dalillariga zid bo`lgan ba`zi natijalarni berdi.

Rossiyaning Ukrainadagi harbiy harakati ortidan joriy qilingan sanksiyalar vaziyatga jiddiy ta`sir ko`rsatmayotganga o`xshaydi – ilovalarni yuklab olish, Visa va MasterSard to`lovlarini qayta ishlash bilan bog`liq muammolardan tashqari.

Shu bilan birga, rubl kursining keskin tushib ketganiga qaramay, respondentlarning atigi 45 foizi valyuta devalvasiyasidan xavotir bildirgan.

G`arbning Rossiyaga qarshi joriy qilgan sanksiyalari oqibatlari qizg`in muhokama qilinmoqda. Mamlakat iqtisodiyoti ma`lum darajada barqarorlikni ko`rsatmoqda va 2023 yilda o`sishi kutilmoqda. Biroq Evropa Ittifoqining tashqi siyosat bo`yicha rahbari Josep Borrel avgust oyida sanksiyalar o`z kuchini ko`rsatishi uchun vaqt kerak, degan edi.

O`sha oyda e`lon qilingan Euronews xabarida aytilishicha, G`arb sanksiyalari rejimida ko`plab bo`shliqlar va yoriqlar mavjud bo`lib, bu Moskvaga milliardlab daromad keltirishiga imkon berishi mumkin.

Ma`lum bo`lishicha, mamlakatda “maxsus operasiya” tanqidchilari katta jarimalar, hibsga olishlar va ochiq zo`ravonliklarga duch kelishdi va bir erkak maktabda qizining urushga qarshi rasmlarini chizganlikda ayblanib hibsga olindi.

Rossiyaning ExtremeScan tadqiqot kompaniyasi tadqiqotchisi Elena Koneva may oyida o`tkazilgan so`rov ma`lumotlariga tayanib, urush tarafdorlari va muxoliflari o`rtasida 50/50 bo`linish borligini ko`rsatdi.

Boshqa so`rovlarga ko`ra, aholining uchdan ikki qismi Rossiyaning harakatlarini qo`llab-quvvatlaydi.

OMI o`z veb-saytida so`rovnomani “ishonchli ma`lumot manbai” ekanligini aytdi, chunki ishtirok etish ixtiyoriy va onlayn tarzda o`tkazildi.

OMI asoschisi Gnizdovskiy yozma izohida so`rovlar “ijtimoiy tarmoqlar ma`lumotlarining keng ko`lamli tahlili”, jumladan, 900 ta rus veb-saytlari, forumlari va taniqli ijtimoiy tarmoqlarini o`rganish, shuningdek, 140 dan ortiq ma`lumotlar tahlili bilan ham qo`llab-quvvatlanganini ta`kidladi.

Sharhlar

Ob-havo: Toshkent
Valyuta kursi
1