Tadbirkorlarning EHF orqali tovar aylanmasi sentyabr oyida qariyb 148 trln so`mni tashkil etdi. Bu haqda Soliq qo`mitasi xabar bermoqda.
Tovarlarni (xizmatlarni) realizasiya qilishda yuridik shaxslar va yakka tartibdagi tadbirkorlar ushbu tovarlarni (xizmatlarni) sotib oluvchilarga hisobvaraq-fakturani taqdim etishi shart.
Hisobvaraq-faktura elektron shaklda rasmiylashtiriladi.
Realizasiya qilinayotgan tovarlar (xizmatlar) qiymati o`zgarganda sotuvchi sotib oluvchiga qo`shimcha yoki tuzatilgan hisobvaraq-fakturani taqdim etishi lozim.
Agar sotuvchi xaridorga kassa chekini bersa, elektron hisobvaraq-faktura (EHF) taqdim etilmaydi.
2023 yil 1 oktyabr holatiga 30,2 mlndan ortiq EHF orqali 1 158,1 trln so`mdan ziyod tovar realizasiyasi amalga oshirilgan.