Bugun, 5 noyabr kuni Qozog`istonda ilk bor 45 nafar tuman va viloyat shaharlari hokimlari saylovi bo`lib o`tadi, deb xabar beradi Kazinform.
Tuman, viloyat ahamiyatiga molik shahar hokimi saylovi tegishli hududiy saylov komissiyasi tomonidan tuman, viloyat ahamiyatidagi shahar hokimi saylovi o`tkaziladigan kundan kamida 50 kun oldin mas`ulat qarori bilan belgilanadi.
Saylov kuni haqidagi e`lon mahalliy ommaviy axborot vositalarida e`lon qilindi.
Saylovni pilot rejimida o`tkazish uchun 17 ta viloyat mas`ullari tomonidan 42 ta tuman va 3 ta viloyat ahamiyatiga ega shaharlar ro`yxati tasdiqlandi.
Saylovlar 5 noyabrga belgilangan.
Nomzodlarni ro`yxatga olish saylov komissiyasiga barcha zarur hujjatlar kelib tushganidan so`ng boshlanib, saylov kuniga 25 kun qolganda mahalliy vaqt bilan soat 18:00da yakunlandi.
Nomzodlarning saylovoldi tashviqoti nomzodlarni ro`yxatga olish muddati tugagan paytdan boshlab, saylov kuniga 25 kun qolganida boshlanib, saylov kuni mahalliy vaqt bilan soat 00:00 da to`xtatildi.
Saylovoldi tashviqoti “Saylov to`g`risida”gi Konstitusiyaviy qonun bilan tartibga solinadi.
Boshqa nomzodlarga nisbatan ovoz berishda ishtirok etgan saylovchilarning eng ko`p ovozini olgan nomzod saylangan shahar hokimi hisoblanadi.
Hududiy saylov komissiyalari tomonidan tumanlar va viloyat ahamiyatiga molik shaharlar hokimligiga 164 nafar nomzod ro`yxatga olindi. Ulardan 69 nafari siyosiy partiyalar tomonidan, 95 nafari esa o`zlari tomonidan ko`rsatilgan.
Ro`yxatga olingan nomzodlarning o`rtacha yoshi - 46,4 yoshni tashkil etadi. Mang`istau viloyatining Beyneu tumanidagi eng yoshi katta nomzod - 61 yoshda, eng yoshi Turkiston viloyati Maqtaaral tumanida - 29 yoshda.
Nomzodlarning aksariyati erkaklardir. Shu bilan birga 10 nafar ayol ro`yxatga olingan.
Ro`yxatga olingan nomzodlarning 20,73 foizi iqtisodchi, 19,51 foizi huquqshunos, 16,46 foizi o`qituvchi, 12,2 foizi muhandis, 11,59 foizi qishloq xo`jaligi mutaxassislari, 19,51 foizi boshqa kasblar vakillaridir.
Tumanlar va viloyat ahamiyatiga molik shaharlar hokimlari saylovida o`rtacha raqobat 3 dan oshadi.
Eng yuqori raqobat Jetisu viloyatining Kerbuloq tumanida kuzatilmoqda — bir o`rin uchun 6 nafar nomzod.
Eng past ko`rsatkich Aqmola viloyatining Shortandi tumanida — bir o`rin uchun 2 nafar nomzod.
