Turkiya Respublikasining 100 yilligiga bag`ishlangan — OpenWork tadbiri Istanbulning mashhur Otaturk madaniyat markazida bo`lib o`tadi
Turkiyalik me`mor va hunarmand Melek Zeynep Bulutning «OpenWork» operativ va eksperimental installyasiyasi Istanbuldagi Otaturk madaniyat markazida (AKM) Respublikaning 100 yilligi tantanalari doirasida namoyish etiladi.
Turkiyada ilk bor namoyish etilayotgan OpenWork, Turkiya Respublikasi Madaniyat va turizm vazirligining maxsus taklifi bilan Otaturk madaniyat markazida bo`lib o`tadi. Konseptual va mavhum asar bo`lgan installyasiya eshik metaforasi orqali dunyoning mashaqqatini ochib beradi. Asarda aks-sado taratadigan ovozli yuzalar insonni chuqur o`yga toldiradi. Shuningdek, u tashrif buyuruvchilarni biz yashayotgan vatan va o`zgaruvchan insoniy holatlarni muhokama qilishga undaydi. Installyasiya yordamida tashrif buyuruvchilar namoyish etilayotgan san`at asarining bir qismiga aylanadi.
Installyasiya Londondagi “Somerset House”ning ochiq maydonida namoyish etildi va 2023 yil iyun oyida London dizayn festivalida 47 mamlakatdagi 22 ta universitetning arizalari orasidan tanlab olingan jamoat mukofoti bilan taqdirlandi. Bundan tashqari, installyasiya London dizayn festivalining 20 yilligiga bag`ishlangan maxsus tanloviga kiritilgan bo`lib, Temza daryosidagi London siluetida namoyish etildi. OpenWork shuningdek, London dizayn festivali 2023 Qizil kitobda "So`nggi 20 yilning eng ta`sirli asarlari" qatoriga kiritilgan. Bu toifadagi hakamlar hay`ati tarkibiga ko`plab etakchi shaxslar va tashkilotlar, jumladan, London meri va Viktoriya&Albert muzeyi kiradi.
OpenWork Londondagi London Dizayn Festivalida debyut qilganidan so`ng Istanbulda katta shov-shuv bilan kutib olindi. OpenWork "insoniyat tarixini shakllantirgan kuch, chegara va ijtimoiy ierarxiya maʼnolarini o`rganadi. O`zining monumental joylashuvi va o`lchami bilan ajralib turadigan installyasiya, tashrif buyuruvchilarning ushbu eksperimental makon bilan o`zaro uyg`unlik ta`minlaydi. OpenWorkning arxitektura va akustika bo`yicha maslahatchiligini Jelaleddin Chelik, muhandislik va struktura bo`yicha maslahatchiligini esa, dots. Dr. Mehmet Selim O`kten va uning jamoasi mas`uliyatni o`z zimmasiga oldi.
Melek Zeynep Bulut arxitektura, haykaltaroshlik, psixologiya va xulq-atvor fanlarini sintez qiluvchi, mavhum va konkret tajribalar bilan tahlil qilishga qaratilgan asarlar yaratadi.
OpenWork 19 noyabrgacha Istanbul, Beyog`ludagi Otaturk madaniyat markazi (AKM) qarshisida ziyoratchilar uchun ochiqdir.
