Yunusobod tumanida pirotexnika buyumlarini sotmoqchi bo`lgan shaxslar aniqlandi. Bu haqda Bosh prokuratura huzuridagi Departament xabar berdi.
Yunusobod tuman bo`limi tomonidan o`tkazilgan tezkor tadbirda fuqaro K.B.ning xonadonidan fuqaro S.B.ga tegishli yangi yil bayrami arafasida sotish maqsadida saqlab qo`yilgan 378 dona “Best Cold Fountains Indon Use”, 96 dona “Salyut” va 20 dona “Volk” nomli pirotexnika buyumlari ashyoviy dalil sifatida olingan.
Mazkur holat yuzasidan Jinoyat kodeksining 250-1-moddasi (pirotexnika buyumlarining qonunga xilof muomalasi) bilan jinoyat ishi qo`zg`atilib, tergov harakatlari o`tkazilmoqda.
