175 ta qoida buzgan "Jetour" 83,6 mln. so`m jarima uchun xatlandi. Bu haqida Majburiy ijro byurosi ma`lum qilgan.
Toshkent shahar YHXBB ning ma`muriy jarima qo`llash to`g`risidagi qaroriga asosan, qarzdor G.X.dan davlat foydasiga jami 175 ta 83 mln. 695 ming so`mlik ma`muriy jarima undirish belgilangan.
Mazkur ijro hujjati bo`yicha Byuroning Sergeli tuman bo`limi tomonidan qarzdorga bir necha marta ogohlantirishlar berilgan. Shunga qaramay haydovchi ma`muriy jarimalarni to`lamagan. Oqibatda fuqaroga tegishli bo`lgan "Jetour" avtomashinasi poytaxt ko`chalarida ushlanib, jarima maydoniga joylashtirilgan.
Hozirda auksion savdolariga chiqarish choralari ko`rilmoqda, savdolardan tushgan pul mablag`lari qarzdorlikni qoplash uchun davlat foydasiga yo`naltiriladi, deyiladi xabarda.
