Kinematografiya agentligi buyurtmasiga binoan Ibrohim Rasulov rejissyorligida suratga olingan "Ishq va anduh" badiiy filmining ilk katta premerasi o`tkazildi.
Premera avvalida film ijodkorlari sahnaga taklif qilinib, film rejissyori Ibrohim Rasulov film yaralishi haqida qisqacha gapirdi. Shuningdek, rejissyor kinokartina bosqichma-bosqich suratga olinib, 7 yil davomida tamomlanganini, film O`zbekistonda xizmat ko`rsatgan artist Aida Yunusovaning eng so`nggi ijrosi bo`lganini ham esladi.
Filmda O`zbekiston xalq artistlari Erkin Komilov va Tesha Mo`minov hamda Umid Iskandarov, Gulbahor Dadamirzaeva, Mashhura Zulfiqorova kabi aktyor va aktrisalar rol ijro qilgan. Mazkur film Gulchehra Eshonqulovaning eng so`nggi rollaridan biri edi.
Ssenariy muallifi Mikail Sulaymonov, operator Tal`at Mansurov. Kinokartina Nargiza Usanboevaning "Ishq va anduh og`ushida" qissasi asosida suratga olindi.
