O`zbekiston Respublikasi Prezidentining Farmoyishi bilan Qashqadaryo va Samarqand viloyati soliq boshqarmalariga yangi boshliqlar tayinlandi. Bu haqda Soliq qo`mitasi matbuot xizmati xabarqildi.
Eshmatov Sirojiddin Tog`aymurodovich Qashqadaryo viloyati soliq boshqarmasi boshlig`i etib tayinlandi.
Sirojiddin Eshmatov 1971 yil Qashqadaryo viloyatida tug`ilgan. Maʻlumoti oliy. U 1991 yilda Toshkent xalq xo`jaligi institutini, 1999 yilda O`zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
S.Eshmatov tayinlovga qadar Samarqand viloyati soliq boshqarmasi boshlig`i lavozimida ishlab kelayotgan edi.
Eshmatov Sirojiddin Tog`aymurodovich soliq xizmatining I darajali maslahatchisi.
Tolliev Elyor Musurmanovich Samarqand viloyati soliq boshqarmasi boshlig`i etib tayinlandi.
Elyor Tolliev 1983 yil Samarqand viloyatida tug`ilgan. Maʻlumoti oliy. U 2004-yilda Samarqand qishloq xo`jaligi institutini, 2020 yilda O`zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.
E.Tolliev tayinlovga qadar Urgut tumani soliq inspeksiyasi boshlig`i lavozimida ishlab kelayotgan edi.
Tolliev Elyor Musurmanovich soliq xizmatining III darajali maslahatchisi.
