Ijtimoiy tarmoqlarda Qashqadaryoda bir yigit o`zaro kelishmovchilik sabab “samosud” qilingani aks etgan videolavha tarqaldi.
Viloyat IIBning ma`lum qilishicha, vidiodagi holat joriy yilning 21 aprel kuni taxminan soat 16-00 larda sodir bo`lgan. Qarshi shahrida yashovchi T.A. tanishlari bilan bir guruhga birlashib, o`zaro kelishmovchilik natijasida Qarshi tumanida yashovchi X. D.ni Qarshi shahar “Vatanparvarlar bog`i” oldidan “Matiz” rusumli avtomashinaga mindirib, shaharning G`afur G`ulom mahallasining chekka hududiga olib borib, kaltaklagan.
Holat yuzasidan Qarshi shahar IIO FMB huzuridagi Tergov boshqarmasi tomonidan O`zbekiston Respublikasi Jinoyat kodeksining 277-moddasi 2-qismi “b” bandi bilan jinoyat ishi qo`zg`atilib, gumonlanuvchi Jinoyat prosessual kodeksining 221-moddasi tartibida ushlangan.
