1

Fransiya Milliy kino va animasiya markazi bilan hamkorlik bitimi imzolandi

Jamiyat 20.05.2024, 17:03
Fransiya Milliy kino va animasiya markazi bilan hamkorlik bitimi imzolandi

Ayni kunlarda Fransiyada nufuzli 77-Kann kinofestivali davom etmoqda. Bu haqda Milliy kinematografiyani rivojlantirish markazi axborot xizmati xabar berdi. 

 Uning doirasida faoliyat yuritayotgan O`zbekiston pavilonida ham xorijlik mehmonlar uchun o`zbek milliy filmlarining taqdimotini o`tkazish bilan birga bir qator davlat va nodavlat kinotashkilotlari hamda yirik kinokompaniyalar bilan hamkorlik muzokaralari olib borilmoqda.

Jumladan, bugun Milliy kinematografiyani rivojlantish markazi direktori Furqat Usmonov Fransiya Milliy kino va animasiya markazi (SNS) bilan hamkorlik bitimini imzoladi.

Hamkorlik bitimi ikki davlat o`rtasida ko-produksiya loyihalarini ishlab chiqish, fransuz va o`zbek kinoijodkorlarining muntazam uchrashuvlarini tashkil qilish, madaniy almashinuv, ta`lim sohasi hamda hamkorlikda kino sanoatini rivojlantirish kabi masalalarni qamrab oladi.

O`zbek pavilonidagi xalqaro uchrashuv va muzokaralar davom etadi.

Sharhlar

Ob-havo: Toshkent
Valyuta kursi
1