Samarqandda 9-cinf o`quvchisi Nexia-2'da 6 yashar qizni urib yubordi. Bu haqida "Mening yurtim" telekanali xabar berdi.
Hodisa 2 iyun kuni Urgut tumanidagi "Yangihayot" mahallasida sodir bo`lgan. 9-sinf o`quvchisi "Nexia-2" mashinani haydab ko`chaga chiqqan. U yuqori tezlikda harakatlantirib kelayotib, yo`ldan o`tayotgan 6 yoshli qizni urib yuborgan.
Qizaloq shifoxonada ko`rsatilgan tibbiy yordamga qaramay, vafot etgan.
Ma`lum qilinishicha, bola mashinani otasining ruxsatisiz boshqargan, transportning tormozi ham nosoz bo`lgan.
Hodisa yuzasidan jinoyat ishi qo`zg`atilib, dastlabki tergov harakatlari olib borilmoqda.
