Samarqandda ona xorijdagi eriga jahl qilib bolasini qiynadi. Samarqand viloyati IIB matbuot xizmati holat bshyicha ma`lumot taqdim etdi.
Ma`lum qilinishicha, Kattaqo`rg`on shahar “Nurafshon” mahallasida yashovchi 1992 yilda tug`ilgan F.M.(ayol), ayni damda chet elda bo`lgan turmush o`rtog`i (qonuniy nikohdan o`tmagan) bilan o`zaro kelishmovchilik natijasida, eriga jahl qilib, voyaga etmagan farzandiga nisbatan jismoniy kuch ishlatib qiynagan.
Voyaga etmagan farzandiga nisbatan jismoniy kuch ishlatib qiynagan ayolga nisbatan O`zbekiston Respublikasi Jinoyat kodeksining 110-moddasi (Qiynash) 2-qismi “a” bandi hamda 112-moddasi (O`ldirish yoki zo`rlik ishlatish bilan qo`rqitish) 1qismi bilan jinoyat ishi qo`zg`atilib, tergov harakatlari olib borishga kirishildi.
Hozirda bolaning sog`ligi va ahvoli yaxshi, mutaxassislar nazoratiga olingan.
