Самарқандда она хориждаги эрига жаҳл қилиб боласини қийнади. Самарқанд вилояти ИИБ матбуот хизмати ҳолат бшйича маълумот тақдим этди.
Маълум қилинишича, Каттақўрғон шаҳар “Нурафшон” маҳалласида яшовчи 1992 йилда туғилган Ф.М.(аёл), айни дамда чет элда бўлган турмуш ўртоғи (қонуний никоҳдан ўтмаган) билан ўзаро келишмовчилик натижасида, эрига жаҳл қилиб, вояга етмаган фарзандига нисбатан жисмоний куч ишлатиб қийнаган.
Вояга етмаган фарзандига нисбатан жисмоний куч ишлатиб қийнаган аёлга нисбатан Ўзбекистон Республикаси Жиноят кодексининг 110-моддаси (Қийнаш) 2-қисми “а” банди ҳамда 112-моддаси (Ўлдириш ёки зўрлик ишлатиш билан қўрқитиш) 1қисми билан жиноят иши қўзғатилиб, тергов ҳаракатлари олиб боришга киришилди.
Ҳозирда боланинг соғлиги ва аҳволи яхши, мутахассислар назоратига олинган.
