Toshkent metropoliteni vagonlaridan birining salon qismida nosozlik holati kuzatilgan. Bu haqda "Toshkent metropoliteni" DUK matbuot xizmati xabar berdi.
Qayd etilishicha, ijtimoiy tarmoqlarda Toshkent metropoliteni vagonida nosozlik kuzatilgani yuzasidan xabar tarqalgan. Ma’lumotlarga ko‘ra, holat Chilonzor yo‘nalishida harakatlanuvchi 7799-sonli vagonida sodir bo‘lgan. Ushbu vagon o‘rindig‘idagi suyanchiq detallaridan biri mahkamlanmagan. Bu harakat tarkibi hozirgi vaqtda o‘rnatilgan tartibda yo‘nalishdan olingan va yuzaga kelgan kamchilikni bartaraf etish ishlari amalga oshirilmoqda. Shuningdek, mavjud kamchilik bartaraf etilganidan so‘ng, harakat tarkibi qayta yo‘nalishga chiqariladi.
Yuzaga kelgan kamchilik yuzasidan yo‘lovchilardan uzr so‘raldi.
