O‘zbekistonda 1 avgustdan boshlab avtomobillarga gaz to‘ldirish shoxobchalarida bir kub metr metan gaz narxi oshgani haqida xabarlar tarqalmoqda. Toshkentdagi ayrim zapravkalarda bir kub metr gaz 3950 so‘mdan sotilmoqda, viloyatlarda narx 4250 so‘mgacha oshgani aytilmoqda.
2024 yil 25 may kuni Vazirlar Mahkamasining metan gaz uchun belgilangan eng baland chakana narxning amal qilish muddatini uzaytirish haqidagi qarori qabul qilingan va 1 avgustga qadar avtomobillarga gaz to‘ldirish shoxobchalarida bir kub metr metan gazning eng baland narxi 3750 so‘m etib belgilangan edi.
Ijtimoiy tarmoqlarda, shuningdek, propan gaz narxi 5800-6500 so‘mgacha oshgani haqida xabar berilmoqda.
