O`zbekiston milliy terma jamoasi 12 fevral kuni Turkiyaning Antaliya shahrida Armaniston terma jamoasi bilan o`rtoqlik uchrashuvi o`tkazadi. Bu haqda O`FF matbuot xizmati ma`lum qildi.
O`yin milliy terma jamoaning 9-13 fevral kunlari Turkiyada tashkil qilinadigan o`quv-mashg`ulot yig`inlari doirasida o`tkaziladi.
O`zbekiston Futbol Federasiyasi mart oyida davom ettiriladigan jahon chempionati saralash o`yinlari doirasidagi Suriyaga qarshi o`yin oldidan bir qancha futbol uyushmalariga o`rtoqlik uchrashuvi o`tkazish borasida o`z taklifini yubordi. 12 fevraldagi taklifga faqat Armaniston Futbol Federasiyasi rozi bo`ldi. Ushbu kelishuvga erishishda ikki federasiya o`rtasidagi yaqin hamkorlik katta ahamiyat kasb etganligini alohida ta`kidlash kerak.
12 fevral FIFA taqvimiga kirmagan sana bo`lganligi sababli ikkala terma jamoa ham legionerlarsiz, ichki chempionatda o`ynaydigan futbolchilardan iborat tarkib bilan o`yinga tayyorgarlik ko`radi.
Samvel Babayan Turkiyadagi yig`inga legionerlarni chaqira olmagani uchun terma jamoaga nomzod bo`lgan milliy chempionatda o`ynaydigan futbolchilarni sinovdan o`tkazadi. “Biz terma jamoaning yaqin kelajakdagi zaxirasini mustahkamlash uchun, jamoa tarkibiga yangi futbolchilarni jalb qilish maqsadida ushbu yig`inni tashkil qilyapmiz”, - deydi Samvel Babayan.
“Milliy chempionatimizda mavsumni ko`tarinki kayfiyatda o`tkazgan futbolchilarni sinovdan o`tkazish bosh maqsadimiz”.
O`zbekiston terma jamoasi jahon chempionati saralash o`yinlarini 23 mart kuni Suriyaga qarshi safardagi o`yin bilan davom ettiradi. Suriya saralashning oxirgi uchrashuvida Eronni qabul qilib 0-0 hisobida durang o`ynadi va 6 jamoadan iborat "A" guruhi jadvalida 5 ochko bilan 4-o`rinni egallab turibdi. O`zbekiston esa Suriyaga qarshi o`yindan oldin Seulda Koreyaga 1-2 hisobida mag`lubiyatga uchragan edi. O`zbekiston terma jamoasi ayni paytda guruh peshqadami Erondan 2 ochko orqada qolgan holda 9 ochko bilan 3-o`rinni band etgan.
O`zbekiston va Suriya o`rtasidagi birinchi davradagi o`yin Toshkentda o`tgan. O`sha uchrashuvda Aleksandr Geynrix tomonidan kiritilgan yagona gol O`zbekistonda 1-0 hisobidagi g`alabani taqdim etgan edi.
Suriya terma jamoasi mart oyidagi O`zbekistonga qarshi o`yin oldidan hozircha o`rtoqlik uchrashuvi o`tkazishni rejalashtirmayapti.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
