Toshkentda organoleptik xususiyati o‘zgargan mahsulotlar yo‘q qilindi. Bu haqda Sanepidqo‘mita Toshkent shahar boshqarmasi axborot xizmati xabar berdi.
Qayd etilishicha, mutaxassislar tomonidan Mirobod dehqon bozori hamda "Beshqo‘rg‘on" MCHJ ga qarashli Farg‘ona bozorining sanitariya holati hamda mahsulotlarning sifati yuzasidan o‘rganish ishlari olib borilgan.
Natijada butunligi buzilgan, iste’molga yaroqsiz holga kelgan qator mahsulotlar:
- 12 kg banan;
- 58 kg pomidor;
- 23 kg bulg‘or qalampiri;
- 5 kg shaftoli;
- 5 kg gulkaram mahsulotlari tegishli tartibda savdodan olinib, brakeraj qilingan.
Avvalroq, "Food City" dehqon bozoridagi qovunlar iste’molga yaroqsiz ekanligi ma’lum qilingan edi.
