Fuqaro tanasiga xufiyona yashirilgan dorilar fosh etildi, deya xabar qilmoqda Toshkent viloyati Bojxona boshqarmasi matbuot xizmati.
Ma’lum bo‘lishicha, “G‘ishtko‘prik” chegara bojxona post orqali qo‘shni mamlakatdan yurtimizga kirib kelayotgan fuqaro xatti-harakatlari bojxona xodimlarining e’tiborini tortgan.
O‘tkazilgan shaxsiy ko‘rik natijasida og‘zaki so‘rovda ma’lum qilinmagan hamda deklaratsiyalanmagan, xorijda ishlab fuqaro o‘z tanasining bel va oyoq qismlariga oldindan yashirib olingan 116 mln so‘mlik dori vositalari borligi aniqlandi.
Hozirda yuqoridagi holat yuzasidan bojxona organlari tomonidan surishtiruv harakatlari davom etmoqda.
