Andijonda Tez tibbiy yordam markazi direktor o‘rinbosari o‘z ishiga tiklandi. Bu haqda viloyat MIB axborot xizmati darakchi.uz'ga xabar berdi.
Andijon viloyatida g‘ayriqonuniy ravishda ishdan bo‘shatilgan Tez tibbiy yordam markazi direktor o‘rinbosari lavozimiga qayta tiklandi.
Fuqarolik ishlari bo‘yicha Andijon tumanlararo sudining ijro varaqasiga ko‘ra, Respublika Tez tibbiy yordam markazi Andijon filialining 05.09.2023 yildagi buyrug‘i g‘ayriqonuniy deb topilgan va fuqaro N.N. muassasa direktorining tezkor ishlari bo‘yicha o‘rinbosari vazifasiga ishga tiklanishi belgilangan.
Mazkur talab asosida Byuroning Andijon shahar bo‘limi xodimlari tomonidan tegishli tartibda ijro harakatlari olib borilgan.
Natijada, direktor buyrug‘i bilan xodim N.N. direktor o‘rinbosari lavozimiga tiklanishi ta’minlandi.
